[片] 西班牙門神卡斯拿斯禁不住擁吻女友記者

帶領西班牙首度殺入決賽就攞到冠軍，西班牙門神卡斯拿斯由球證吹雞完場一刻開始，一直未停過喊，最重要嘅係，佢心愛女友莎拉一直於場邊見證佢登上世界之巔。賽後卡斯拿斯接受女友直播訪問時，忍唔住與女友激情擁吻，真係sweet到爆。

受訪感動攬實啜爆

捧完盃後，莎拉第一時間捉住卡斯拿斯訪問，呢位門神多謝好多人：「我要多謝我屋企人包括父母、弟弟……」講到呢度佢突然鼻哥一紅，要用手抹一抹鼻水同眼淚。

由於係電視直播關係，莎拉見男友咁樣，諗住幫佢打圓場，問：「不如我哋講吓場波……」點知卡斯拿斯突然揮一揮手，示意莎拉唔好講嘢，跟住講咗一句「仲要多謝你」，就突然攬住莎拉錫佢個嘴，莎拉未及反應之際，卡斯拿斯就錫多佢塊臉一啖，然後就轉身走咗去。

現場人士即時大叫同拍晒手掌，而莎拉定過神之後，只係識講「交番畀電視台」一句，畫面就見到主持人笑晒口，戥呢pair愛侶開心。


http://www.youtube.com/watch?v=A25UiaD1H-I
_____________________________

也介紹一下這位體育女記者：

25歲嘅莎拉，06年喺馬德里大學畢業後，就加入馬卡電台體育頻道，主打國內籃球；當然以佢一雙電眼，加上迷人笑容，好快已經轉職幕前，07年5月轉去電視台做體育記者，09年4月加盟Telecinco電視台，擔任體育主播，更加被雜誌《FHM》選入世上最性感女記者之一。


Source: on.cc，901足球網